जर्जियामा तेस्रोपटक मतगणना हुँदै : बाइडेनलाई अन्तरिम प्रशासन सुम्पन तयार ट्रम्प भन्छन्, ‘कानुनी लडाई जारी छ’

अमेरिकी राष्ट्रपति निर्वाचनमा डेमोक्रेट्स उम्मेद्वार जो बाइडेनले स्पष्ट बहुमत ल्याएर विजयी घोषणा भइसकेका छन्। यद्यपि वर्तमान राष्ट्रपति डोनाल्ड ट्रम्प हार स्वीकार्न तयार देखिँदैनन्। निर्वाचनमा धाँधली भएको उनको आरोप यथावत छ।

यसैले ट्रम्पले जर्जियामा फेरि मतगणना गर्न माग गरेका छन्। उनको माग बमोजिम मंगलवारबाट जर्जियामा तेस्रोपटक मतगणना शुरु हुने भएको छ।

जर्जियाका सेक्रेटरी अफ स्टेट ब्राड राफेन्सपर्जर र गभर्नर ब्रायन केम्पले दोस्रोपटकको गणनापछि जर्जियाको चुनावको परिणामको औपचारिक प्रमाणिकरण गरिसके पनि ट्रम्प पक्षले त्यसलाई अस्विकार गरेको हो।

Sayalb

यता राष्ट्रपति ट्रम्पले आफ्नो हार स्वीकार गरेको अन्तर्राष्ट्रिय सञ्चारमाध्यमहरुले जनाएका छन्। उनले केही समयअघिमात्र ट्वीट् गर्दै सङ्घीय निकाय जनरल सर्भिसेस् एड्मिन्ट्रेसन (जीएसए)को कामको प्रशंसा गरेका छन्।

ट्रम्पले ट्वीटमार्फत ह्वाइट हाउसबाट सहजरुपमा बाहिरिने संकेत दिएका हुन्। परिणाम बाइडेनको पक्षमा जाँदा ट्रम्पलाई पराजय स्वीकार गर्न दबाब बढ्दै गएको थियो।

ट्रम्पले संघीय निकाय जनरल सर्भिसेस एड्मिन्स्ट्रेसनलाई सत्ता हस्तान्तरणका लागि गर्नुपर्ने आवश्यक सबै काम गर्न निर्देशन दिइसकेको बीबीसीले उल्लेख गरेको छ।

 

Shaileshwori
Loading...