शिवजी मण्डेल
कार्तिक १९, बझाङ
बझाङ जिल्लाको थलारा गाउपालिकाले कक्षा ११ को परिक्षा कार्तिक २४ गतेबाट हुने निर्णय गरेको छ ।
मंगलबार बसेको थलारा गाउपालिकाको १० +२ प्र.अको बैठकले कार्तिक २४ गतेबाट गर्ने निर्णय गरेको शिक्षा अधिकृत केशव भट्टले जानकारी दिनु भएको छ ।
अधिकृत भट्टका अनुसार परिक्षा संचालनका लागि गाउपालिका अध्यक्ष तथा गाउँ शिक्षा समिति अध्यक्ष भुवनेश्वर उपाध्यायको अध्यक्षतामा ५ सदस्यीय परिक्षा संचालन समिति समेत गठन गरिएको छ ।
त्यस्तै परिक्षाका लागि प्रश्न पत्र बनाउन बिषयगत शिक्षक सम्मिलित प्रश्न पत्र निर्माण समिति समेत गठन गरिएको हो । बैठकको निर्णय अनुसार कात्र्तिक २४ गते अंग्रेजी, २५ गते नेपाली, २६ गते शिक्षाको परिचय तथा शैक्षणिक विधि, २७ गते ऐच्छिक नेपाली र २८ गते स्वास्थ्य तथा जनसंख्याको परिक्षा हुने बताइएको छ,।
