गणेश मौनी, डोटी
एकल महिलाहरूका लागि स्थानीय सरकारकाले आवश्यक बजेट विनियोजित गरी कार्यान्वयन गर्नुपर्ने एक कार्यक्रमका सहभागीहरूले जोड दिएका छन् ।
मानव अधिकारको लागि महिला एकल महिला समूह डोटीले बिहीबार जिल्ला सदरमुकाम सिलगढीमा आयोजना गरेको महिला सम्बन्धी काम गर्ने सङ्घ संस्थाहरुसंगको त्रैमासिक अन्तर्क्रिया कार्यक्रमका सहभागीहरूले उक्त कुरामा जोड दिएका हुन ।
कार्यक्रममा बोल्दै गैरसरकारी संस्था महासघ डोटीका अध्यक्ष रघु बहादुर कठायतले गैरसरकारी संस्था भनेका सरकारका कार्यक्रमलाई सहयोग गर्ने सहयोगी निकाएहुन त्यसैले विभिन्न क्षेत्र, वर्ग र समूहका लागि आवश्यक बजेट स्थानीय तहले विनियोजन गरी कार्यान्वयन गर्नुपर्ने दायित्व रहेको बताए ।
उनले भने स्थानीय सरकारकाले विभिन्न समूह महिला, बालबालिका, युवा, एकल महिला, दलित जनजातिका लागि आवश्यक बजेट विनियोजन गरी कार्यान्वयन गर्न आवश्यक रहेको समेत बताए ।
कार्यक्रममा बोल्दै महिला अधिकार मञ्चकी अध्यक्ष सिता विकले स्थानीय सरकारले पनि एकल महिलाहरूलाई खासै हेर्न नसकेको गुनासो गरिन् । उनले भनिन स्थानीय सरकारले पनि एकल महिलाहरूका सवालमा ध्यान दिँदै आवश्यक बजेको व्यवस्थापन गर्नुपर्ने बत्ताइन् ।
स्थानीय तहले विनियोजित गर्ने बजेटमा लक्षित वर्ग मुखी बजेट विनियोजन गर्न नसकेको नेपाल राष्ट्रिय दलित समाज कल्याण सङ्घ डोटीका कार्यक्रम व्यवस्थापक शङ्कर विश्वकर्माले गुनासो गरे । उनले भने स्थानीय तहले एकल महिला, हलिया, अपाङ्ग द्धन्दपीडीत जस्ता बर्गलाई लक्षित गरेर कार्यक्रम सञ्चालन गर्न नसकेको बताए ।
मानव अधिकारको लागि महिला एकल महिला समूह डोटीले डोटी जिल्लाको दिपायल सिलगढी नगरपालिका र पुर्विचौकी गाउँपालिकामा सीमान्तकृत महिलाहरूको आवाज तथा सहभागिता परियोजना सञ्चालन गरिरहेको जिल्ला परियोजना अधिकृत लक्ष्मी देउवा बमले बताइन । उनले
मानव अधिकारको लागि महिला एकल महिला समूह डोटीले डोटीको दिपायल सिलगढी नगरपालिका र पुर्विचौकी गाउँपालिकामा रहेका २९ जना एकल महिलाहरूलाई २० हजारका दरले बिउ पुजी र दुवै पालिकाका २० जना जनप्रतिनिधि महिलाहरूलाई ३० हजारमा दरले बिउ पुजी सहयोग गरी विभिन्न प्रकारका व्यापार व्यवसाय गरिरहेका समेत अधिकृत बमले बत्ताइन् । महिला हरूको आय आर्जमा सहयोग पुग्नुका साथै राजनीति क्षेत्रमा क्षमता अभिवृद्धि भई राजनीतिमा पनि महिलाहरूको सहभागिता वृद्धि गर्ने कार्यक्रमको मुख्य उद्देश्य रहेको समेत अधिकृत बमले बत्ताइन् ।
डोटीको दिपायल सिलगढी नगरपालिकामा १ हजार १ सय ६५ जना र पुर्विचौकी गाउँपालिकामा १ हजार ६८ जना एकल महिला रहेका छन् ।
दुई वटा पालिकाको चालु आर्थिक वर्षको बजेट हेर्दा पुर्विचौकी गाउँपालिकाले ७ लाख र दिपायल सिलगढी नगरपालिकाका विभिन्न वडाले १ लाख ६० हजार रकम मात्र विनियोजन गरेको पाइएको छ ।
अन्तर्क्रिया कार्यक्रममा जिल्लामा महिला सम्बन्धी काम गर्ने विभिन्न सङ्घ संस्थाहरूले गरेका गतिबीधीहरुको समीक्षा समेत गरिएको थियो । कार्यक्रममा जिल्लामा क्रियाशील सङ्घ संस्थाका प्रमुख प्रतिनिधि, नागरिक समाज, पत्रकार लगाएको सहभागिता रहेको थियो ।
