डोटी : नेपाल कम्युनिस्ट पार्टी (माओवादी केन्द्र) डोटीको अध्यक्षमा कमल बहादुर गडसिला मनोनीत भएका छन् । सुदूर पश्चिम प्रदेश समितिले बुधवार गड्सिलालाई मनोनीत गरेको डोटी जिल्ला इन्चार्ज शिव सिंह ओलीले जानकारी दिए । बोगटान फुड्सिल गाउँपालिकामा स्थायी घर भएका गडसिला २०७४ सालमा भएको स्थानीय तहको निर्वाचनमा गाउँपालिकाको निर्वाचित अध्यक्ष समेत हुन् ।
यसै गरी अखिल (क्रान्तिकारी) नेपालका पूर्व केन्द्रीय सचिवालय सदस्य डबल सिंह जिल्ला कमिटी सचिवमा मनोनीत हुनुभएको छ । जिल्लाको नेतृत्व युवाहरूलाई दिएको भन्दै पार्टीका युवाहरूले खुसी व्यक्त गर्दैसुदुर पश्चिम प्रदेश समितिलाई धन्यवाद दिएका छन् ।
