डाक्टर शाहले रगत दान गरेर जोगाए एक महिलाको ज्यान 

किरण धामी, डोटी
जिल्ला अस्पताल डोटीका डाक्टर सोहन शाहले रगत दान गरेर डोटीकी एक महिलाको ज्यान जोगाएका छन् । अत्यधिक रक्तस्राव भई जिल्ला अस्पताल भर्ना भएकी शिखर नगरपालिका वडा नम्बर ४ कि ४० बर्सिया मोनिका वादीलाई डाक्टर शाहले रगत दिएका हुन् ।
अत्यधिक रक्तस्रावका कारण बिरामीको अवस्था नाजुक रहेकाले उनलाई तत्काल रगतको अभाव हुनाले मानवताका हिसाबले एक पिन्ट रगत दान गरेको डाक्टर शाहले बताए । डाक्टर शाहले भनेका छन्, “दसैँमा भगवतीलाई बलि दिँदा भगवती खुसी हुन्छन् भन्ने कुरामा म विश्वास गर्दिन तर मेरो दुई थोपा रगले कसैको ज्यान जोगिन्छ भने बिरामी र देवी देवता खुसी हुन्छन् भन्नेमा विश्वस्त छु ।”
Sayalb
बिरामीलाई एक पीन्ट रगतले मात्रै नपुग्ने भएकाले थप रगतको लागि अस्पताल प्रशासनले रगत दान गरिदिन सामाजिक सञ्जाल मार्फत आग्रह गरेको थियो । शनिवार दिउँसो थप दुई पिन्ट रगत सङ्कलन भएको छ । डोटी क्याम्पस डोटीका शिक्षक लाल थाप र जिल्ला प्रहरी कार्यालय डोटीका प्रहरी जवान सोभान सिंह विष्टले एक/एक पिन्ट रगत बिरामीलाई दिएका छन् । बिरामीलाई दुई पिन्ट रगत चढाइसकिएको र बाँकी एक पिन्ट अहिले चढाउन लागिएको डाक्टर शाहले बताए ।
बिरामीको अवस्था अहिले सामान्य रहेको अस्पतालले जनाएको छ । मोनिका शुक्रवार साँझ अस्पतालको इमर्जेन्सीमा भर्ना भएकी थिइन् ।
Shaileshwori
Loading...