डोटी : केदारेश्वर आधारभूत विद्यालय व्यवस्थापन समितिको अध्यक्षमा देव बहादुर घर्ती मगर पुनः चयन हुनुभएको छ । बडिकेदार गाउँपालिका ५ भवरामा अवस्थित विद्यालयको मङ्गलवार सम्पन्न अभिभावक भेलाबाट मगर अध्यक्षमा पुनः चयन हुनुभएको हो । मगर वि.सं २०५२ सालदेखि यो विद्यालयको व्यवस्थापन समिति अध्यक्षमा निरन्तर चयन हुँदै आउनु भएको छ ।
विद्यालयको स्थापना पनि २०५२ सालमै भएको हो । यस्तै व्यवस्थापन समितिको सदस्यहरूमा प्रकाश बहादुर थापा, अमर बहादुर पुन मगर, मन्धरी देवी थापा, प्रीति देवी रोका, लक्ष्मी देवी घर्ती चयन हुनुभएको छ । मनोनीत सदस्यमा टेक बहादुर रोका मगर, शिक्षक सदस्य कृष्ण बहादुर चन्द र सदस्य सचिवमा नरेन्द्र बहादुर बोहरा निर्वाचित भएका छन् ।
