न्युनतम सेवा मापदण्डको आधारले जिल्ला अस्पताल डोटीले ८४ प्रतिशत अंक प्राप्त गरेको छ । विभिन्न सूचकका आधारमा मापन गरिंदा अस्पतालले ८४ प्रतिशत अंक पाएको हो ।
यो बिगतको तुलनामा सुधारोन्मुत अंक हो । जिल्ला अस्पताल क्रमश् सुुधारको बाटोमा रहेको प्रत्येक ६ महिनामा अस्पतालको मूल्याङ्कनमा सुधार देखिएको हो । एक बर्ष अघी ७० प्रतिसत गएको ६ महिना पहिला ५ प्रतिसत बढेर ७५ प्रतिसत भएको थियो भने ९ अंक बृद्धी गरेर ८४ पुगेको हो ।
स्वास्थ्य निर्देशनालय राजपुरको आयोजना तथा जिल्ला अस्पताल डोटीको सहकार्यमा भएको एक कार्यक्रममा उक्त तथ्याङ्क प्रस्तुत गरिएको थियो । यसको मुल्याङ्कन स्वास्थ्य निर्देशनालयले गर्ने गर्दछ । अस्पतालको स्तर उन्नतकीका लागी अहोरात्र खट्ने अस्पतालका कर्मचारी तथा सहयोग गर्ने सम्पुर्णलाई अस्पतालका अध्यक्ष धनबहादुर नेपालीले धन्यवाद ब्यक्त गरेका छन् । अध्यक्ष नेपालीले भने ‘ हामीले केही सुधार आवश्यक गरेका छौँ अझै धेरै सुधार गर्न बाँकी रहेको छ ।’
फोहर व्यवस्थापन, लुगा धुने लगायतका केही सूचकमा भने व्यवस्थापन राम्रो नभएका कारण अंक कम पाएको छ भने औषधीको व्यवस्थापन, बिरामी उपचार लगायतका केही सूचकमा भने सन्तोषजनक अंक पाएको देखिन्छ ।
न्युनतम सेवा मापदण्डमा सुधार गर्दै जाने जिल्ला अस्पताल डोटीका निमित्त मेडिकल सुपरिटेन्डेन्ट डाक्टर निराजन श्रेष्ठले बताए । ‘अस्पतालका पुराना भवन भत्काएर नयाँ भवनहरू बनिरहेका कारण व्यवस्थापनमा केही समस्या आइरहेको छ’, डाक्टर श्रेष्ठले भने, ‘केही समयपछि भवन निर्माण सकियो भने हामी नयाँ व्यवस्थापनका साथ अस्पताललाई अगाडि बढाउनेछौँ ।’
