बाजुरा जिल्ला सदरमुकामा मार्तडीमा रहेको मार्तडी कोल्टी सडकअन्तर्गत बडिमालिका नगरपालिका ९ बाउली खोलाले ट्याक्टर र चालक बगाएको छ ।
जिल्ला प्रहरी कार्यालय बाजुराका अनुसार आइतबार राती ११ बजेतिर कोल्टीबाट मार्तडी आउँदै गरेको से २ त ३२२५ नम्बरको ट्याक्टर करिब २० मिटर तल ढुगांमा अड्कीएको अवस्थामा फेला परेको र चालक डुवनारायण चौधरी बेपत्ता भएका छन् ।
ट्याक्टर डोटि जिल्ला घर भई हाल सदरमुकाम मार्तडीका होलसेल व्यापारी पुष्प खड्काको रहेको प्रहरीले जनाएको छ । बेपत्ता चालक चौधरीको खोजीकार्य भइरहेको जिल्ला प्रहरी कार्यालय बाजुराका प्रमुख प्रहरी नायव उपरिक्षक कबिन्द्रसिहं बोहराले बताए ।
