फागुन २८, डोटी
डोटीको बोगटान फुड्सिल गाउँपालिकामा ३ दिने फलफूलका बिरुवा प्रसारण सम्बन्धीको तालिम सम्पन्न भएको छ । बोगटान फुड्सिल गाउँपालिकाको कृषि शाखाको आयोजनामा शनिवारबाट सुरु भएको तालिम सोमबार सम्पन्न भएको हो । तालिममा गाउँपालिकाका सात ओटै वडाका ३१ जना किसानहरूको सहभागिता रहेको थियो । तालिममा फलफूलका बिरुवाहरू कलमी बनाउने तरिका, रोगहरू लाग्दा गरिने उपचार विधि, फलफूल खेतीको विस्तार लगायतका विषयवस्तुको बारेमा किसानलाई जानकारी दिइएको छ ।
योगेन्द्र बोगटी र केशव घर्तिमगर प्रशिक्षक रहेको तालिमको सहजीकरण गाउँपालिकाका रोजगार संयोजक गीता जिसीले गरेकी थिइन् ।तालिमको समापन कार्यक्रममा प्रमुख प्रशासकीय अधिकृत भरत बहादुर चन्द, बोगटान फुड्सिल गाउँपालिका वडा नम्बर ७ का वडा अध्यक्ष चन्द्रमान सुनार लगायतको सहभागिता रहेको थियो ।
