पुरुष डबल्स ब्याडमिन्टन प्रतियोगिताको उपाधि अङ्कित र विशाललाई

नयाँ वर्ष २०८१ को अवसरमा डोटीको सिलगढीमा सम्पन्न भएको जिल्ला स्तरीय “पुरुष डबल्स ब्याडमिन्टन प्रतियोगिता” मा अङ्कित जोशी र विशाल खत्रीको टिम विजयी भएको छ । प्रतियोगिताको फाइनलमा फिरोज केसी र छिरिङ लामाको टिमलाई सोझो सेटले पराजित गर्दै अङ्कित जोशी र विशाल खत्रीको टिम विजयी भएको हो । सुजङ अस्पताल राजपुरको मुख्य प्रायोजन तथा महाकाली सेती हेल्थ केयर प्रालि राजपुरको सह–प्रायोजनमा शिलास्थान युवा क्लबले आयोजना गरेको प्रतियोगितामा डोटी जिल्लाका ८ वटा टिमले  सहभागिता जनाएको क्लबका अध्यक्ष हिक्मत मलासीले जानकारी दिए ।

२ दिन सम्म सञ्चालन भएको प्रतियोगितामा प्रथम हुने टिमलाई नगद रु. दश हजार, प्रमाणपत्र र मेडल, दोस्रो भएको टिमलाई नगद रु. पाँच हजार, प्रमाणपत्र र मेडल तथा तेस्रो भएको हर्क बोगटी र श्याम सिंहको टिमलाई मेडल र प्रमाणपत्र पुरस्कार प्रदान गरिएको छ । फाइनल बाहेकका खेलहरू वेस्ट अफ थ्री मा  खेलाइएको भएता पनि आज भएको फाइनल खेल वेस्ट अफ फाईबमा खेलाइएको आयोजकले जनाएको छ ।