जेठ २२, बैतडी । बैतडीमा भिरबाट लडेर एक महिलाको मृत्यु भएको छ । मङ्गलवार जिल्लाको शिवनाथ गाउँपालिका–५ की ३४ वर्षीया बिन्दु चन्दको भिरबाट लडेर मृत्यु भएको हो ।
घाँस काट्ने क्रममा कोट भिरबाट खसेर चन्दको घटनास्थलमै मृत्यु भएको शिवनाथ गाउँपालिका गाउँपालिका प्रवक्ता केशवबहादुर चन्दले जानकारी दिए ।
मृतक चन्द महिला सामुदायिक स्वास्थ्य स्वयंसेविका हुन्। उनी उदयदेव आधारभूत स्वास्थ्य सेवा केन्द्रमा विगत १३ वर्षदेखि स्वंयमसेविकाको रूपमा कार्यरत थिइन ।
