साउन २८, डोटी । आदर्श गाउँपालिकामा भालुको आक्रमणबाट एक जना घाइते भएका छन् । गाउँपालिकाको वडा नम्बर ४ देहीका १७ वर्षीय विष्णु बोहरा भालुको आक्रमणबाट घाइते भएका छन् ।
माछेखोला भन्ने ठाउँको खेत नजिकै बाख्रा चराउन गएका उनलाई सोमबार दिउँसो करिब २ बजेतिर भालुले आक्रमण गरेको वडा अध्यक्ष खगेन्द्र ओझाले जानकारी दिए । भालुको आक्रमणपछि विष्णुको पिठ्युँमा चोट लागेको र उद्धार पछि उपचारका लागि अस्पताल पठाइएको स्थानीय गोपाल विष्टले बताएका छन् ।
