असोज १३, डोटी । बोेगटान फुड्सिल गाउँपालिका मा गाउँपालिका स्तरीय बोगटान प्रिमियम लिग (बिपिएल) पुरुष क्रिकेट प्रतियोगिता हुने भएको छ । बोगटान फुड्सिल गाउँपालिका र वडा नम्बर २ को मुख्य प्रायोजन तथा अन्य ६ ओटा वडाको प्रायोजन र बोगटान युवा सञ्जालको आयोजनामा प्रतियोगिता सञ्चालन हुन लागेको हो ।
हिन्दु नेपालीहरूको महान् चाड बडा दसैँ तथा शुभ दीपावलीको अवसरमा यही असोज २० गतेदेखि प्रतियोगिता सञ्चालन हुन लागेको युवा सञ्जालका महासचिव समीर केसीले जानकारी दिएका छन् । बोगटान फुड्सिल गाउँपालिका वडा नम्बर ६ गगुडामा सञ्चालन हुने क्रिकेट प्रतियोगिताका लागि असोज १८ र १९ गते टिम दर्ता गर्न सकिने भएको छ । टिम दर्ता शुल्क ३ हजार पाँच सय रहेको आयोजकले बताएको छ ।
आइसिसीको नियम भित्र रहेर आयोजना हुन लागेको प्रतियोगिताको विजेताले नगद रु ५० हजार पाउने छ । त्यस्तै द्वितीयले नगद रु ३० हजार, उत्कृष्ट खेलाडीले रु तीन हजार पाँच सय, उत्कृष्ट ब्याट्सम्यानले रु दुई हजार र उत्कृष्ट बलरले रु दुई हजार पाउने छ । टिम दर्ता फोन बाट पनि गर्न सकिने बताइएको छ ।
