सोमबार देशभर एक हजार सात सय ४१ जना कोरोना संक्रमित थपिएका छन् । पछिल्लो २४ घण्टामा देशभरका बिभिन्न प्रयोगशालामा पाँच हजार ६ पिसिआर परीक्षण गर्दा एक हजार सात सय ५१ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
योसँगै नेपालमा जम्मा कोरोना संक्रमितको संख्या १ लाख ५९ हजार ८ सय ३० पुगेको छ । नेपालमा हाल ४३ हजार दुई सय ९३ जना सक्रिय संक्रमित छन् ।
त्यस्तै आज देशभर चार हजार पाँच संक्रमितले कोरोना जितेका छन् । कोरोना मुक्त हुनेहरूकोे कुल संख्या एक लाख १५ हजार ६ सय ७५ रहेको छ ।
पछिल्लो २४ घण्टामा १५ जना कोरोना संक्रमितको मृत्यु भएको छ । योसहित नेपालमा कोरोना संक्रमित भई मृत्यु हुनेको संख्या ८ सय ६२ पुगेको छ । आज स्वास्थ्य तथा जनसंख्या मन्त्रालयले नियमित समय भन्दा ढिलोगरी कोरोना सम्बन्धि तथ्यांक उपलब्ध गराएको हो ।
