डोटी : शुक्रबार डोटीमा थप चार जना कोरोना संक्रमित थपिएका छन् । जिल्ला अस्पताल डोटीको कोभिड-१९ परिक्षण प्रयोगशालामा गरिएको परिक्षणमा जिल्ला प्रहरी कार्यालय डोटीमा कार्यरत दुई जना प्रहरी जवान सहित डोटीका थप चार जनामा कोरोना पुष्टि भएको स्वास्थ्य कार्यालय डोटीले जानकारी दिएको छ । यो संगै जिल्लामा कोरोना संक्तमितको संख्या एक हजार दुई सय ९८ पुगेको छ ।
स्वास्थ्य कार्यालय डोटीका प्रमुख रमेश मलासीका अनुसार आज जिल्लाको दिपायल सिलगढी नगरपालिका वडा नम्बर ६ का २६ र २७ वर्षका दुई जना प्रहरी जवान, के.आई.सिंह गाँउपालिका वडा नम्वर १ का ३३ वर्षका एक जना पुरुष र वडा नम्वर ६ का २९ वर्षका एक जान पुरुषमा कोरोना देखिएको हो । आज कोरोना देखिएका सबै जनाको स्वास्थ्य अवस्था सामान्य रहेको र सबै जना होम आईसोलेसनमा रहेका बताईएको छ ।
हाल डोटी जिल्लामा कोरोना सक्रिय संक्रमितको संख्या ५३ रहेको स्वास्थ्य कार्यालय डोटीले जनाएको छ ।
