डोटीमा एक शिक्षकको आकस्मिक निधन भएको छ ।जोरायल गाउँपालिका वडा नं। ४ मा रहेको घण्टेश्वर माध्यमिक विद्यालयमा बाल विकास सहजकर्ताका रुपमा कार्यरत वर्ष २६ कि टिकेश्वरी शाहु खड्काको आइतबार बिहान निधन भएको हो ।
हाल सञ्चालन भइरहेको कक्षा १२ को परीक्षामा निरीक्षकका रुपमा सहभागि हुन विद्यालयको गेट नजिक पुग्दै गर्दा एक्कासी बेहोस भएर उनको निधन भएको सोही विद्यालयका शिक्षक मीन बहादुर रोकायाले जानकारी दिए ।
उनको स्वास्थ्य उपचारका लागि जोरायल गाउँपालिकाको रावतकट्टेमा रहेको जोरायल फार्मेसीमा लगिएकोमा त्यहाँ पुगुञ्जेल उनको मृत्यु भइसकेको जनाईएको छ ।
उनको शव अहिले सोही फार्मेसीमा रहेको र परिवारजनहरु आईरहेको इलाका प्रहरी कार्यालय जोरायलका इञ्चार्ज सइ महेन्द्र थापाले जानकारी दिए ।
उनि वि।सं। २०७६ बैशाखदेखि बाल विकास सहजकर्ताका रुपमा कार्यरत थिइन् । उनका श्रीमान कमल खड्का पनि प्राथमिक तहका स्थायी शिक्षक हुन । उनका २ छोरी रहेका छन् । नजरअनलाईन बाट शाभार
