डोटी : लैङ्गिक हिंसा विरुद्धको १६ दिने अभियान अन्तरगत सम विकास केन्द्र (इडिसी) डोटीले सडक नाटक गरेको छ । इडिसीले मंगलबार (आज) डोटीको के.आई.सिंह गाउँपालिकामा बाल विवाहा र छाउपडी प्रथा सम्बन्धी सडक नाटक र पालिका स्तरिय हाजीरी जवाफ प्रतियोगिता गरेको सम विकास केन्द्र डोटीका सामाजिक परिचालक विज्ञान देवलले जानकारी दिए ।
के.आई.सिंह गाउँपालिकाका उपाध्यक्ष मिना विष्टको अध्यक्षतामा सुरु भएको कार्यक्रमको प्रमुख अथिति गाउँपालिकाका अध्यक्ष लोकेन्द्र बहादुर शाही र अथिति के.आई.सिंह गाउँपालिका वडा नम्वर ४ वायलका वडा अध्यक्ष जय बहादुर धामी रहेका थिए ।
कार्यक्रममा इडिसीमा कार्यरत महिलाहरु लगाएत गाउँपालिकाका स्थानियको सहभागीता रहेको थियो । हाजिरी जवाफ प्रतियोगितामा प्रथम, द्धितिय र तृतिय हुनेलाई साबुन, मास्क, सेनिटाईजर, कोल्केट, ब्रुस लगायतका स्वास्थ्य सुरक्षाका सामाग्री हस्तान्तरण गरेको देवलले बताए ।
