आईतवार देशभर थप ८ सय ३० जनामा कोरोना संक्रमण पुष्टि भएको छ । पछिल्लो २४ घण्टामा देशभरीका विभिन्न कोभिड-१९ प्रयोगशालामा ५ हजार १ सय ८१ नमुनाहरुको परिक्षण गरिएकोमा ८ सय ३० जनामा कोरोना देखिएको स्वास्थ्य तथा जनसंख्या मन्त्रालयका प्रवक्ता प्रा.डा. जागेश्वर गौतमले बताएका छन् । यो संगै नेपालमा जम्मा कोरोना संक्रमित हुनेको संख्या २ लाख ४८ हजार ४ सय २३ पुगेको छ ।
हाल नेपालमा सक्रिय संक्रमितको संख्या १० हजार ९ सय ९४ रहेको छ ।
आज देशभरका एक हजार ५ सय जनाले कोरोना जितेका छन् । यो संगै कोरोना मुक्त हुनेहरूकोे कुल संख्या २ लाख ३५ हजार ७ सय ३१ पुगेको छ ।
त्यस्तै पछिल्लो २४ घण्टामा थप ९ जना कोरोना संक्रमितको मृत्यु भएको छ । थप ९ जना कोरोना संक्रमितको मृत्यु भएसंगै नेपालमा कोरोना संक्रमणबाट मृत्यु हुनेको संख्या एक हजार ६ सय ९८ पुगेको छ ।
