डोटीको बोगटान फुड्सिल गाउँपालिकाको आठौँ गाउँसभा सम्पन्न भएको छ । बुधवार गाउँपालिकाको सभाहलमा सम्पन्न भएको गाउँ सभालले स्वास्थ्य र शिक्षालाई प्रमुख प्रथमिकता दिएको गाउँपालिकाका अध्यक्ष कमल बहादुर गड्सिलाले जानकारी दिए । विश्व नै कोरोना महामारी संग जुधि रहेको यो समयमा गाउँपालिकाले पालिकावासीको स्वास्थ्यलाई पहिलो प्राथमिकता दिएको अध्यक्ष गड्सिलाले बताए ।
गाँउपालिकाले सातौँ गाउँ सभाबाट पारित गरेको गरिव सँग अध्यक्ष कार्यक्रम प्रभावकारी भैरहेकाले त्यसलाई आठौँ गाउँ सभाले पुनः निरन्तरता दिएको पनि उनले बताए । त्यस्तै महिला संग उपाध्यक्ष कार्यक्रम अन्तरगत पनि पालिकामा प्रभावकारी काम भैरहेकाले सो कार्यक्रमलाई आठौँ गाउँ सभाले पुनः निरन्तरता दिएको उपाध्यक्ष भगवति देवि बमले जानकारी दिईन् ।
गाँउ सभामा गाउँपालिकाका अध्यक्ष, उपाध्यक्ष, सात ओटै वडाका वडा अध्यक्ष, गाउँ कार्यपालिका सदस्य, पालिकाका कर्मचारी लगाईतको उपश्थिति रहेको थियो ।
