डोटी – डोटीमा अटो रिक्सा दुर्घटना हुँदा एक जनाको निधन भएको छ भने ४ जना घाइते भएका छन् ।
जिल्लाको शिखर नगरपालिका – ८ तिलताली नजिक अटो दुर्घटना भएको हो । ७ जना सवारी बोकेर शिखर नगरपालिका – १० बानेडुग्रीसैन बाट दिपायल आउँदै गरेको अटो मंगलबार राति ८ बजे तिर दुर्घटना भएको हो ।
दुर्घटनामा परी शिखर नगरपालिका – ३ का ५३ वर्षीय पदम जोराको घटनास्थल मै निधन भएको जिल्ला प्रहरी कार्यालय दिपायलका जानकारी दिएको छ ।
घाइते हुनेमा शिखर नगरपालिका (३ का १८ वर्षीय अर्जुन पार्की, सोही वडाका अटो चालक ४१ वर्षीय दिपक जोरा, ४० वर्षीय जीत जोरा र सोही ठाउँका १७ वर्षीय नरेश पार्की रहेको प्रहरीले जनाएको छ ।
घाइते चार जना मध्य दुई जना लाई जिल्लामा उपचार हुन नसकेपछि अन्यत्र रिफर गरिएको छ भने दुई जनाको दिपायल स्थित शैलेश्वरी अस्पतालमा उपचार भइरहेको छ । अटोमा सवार दुई जना भने सकुसल छन् ।
