नारद नेपाली/डोटी- सम विकास केन्द्र (ईडीसी) डोटीले पूर्बीचौकी गाउँपालिकालाई स्वास्थ्य सामाग्री हस्तान्तण गरेको छ । आज संस्थाले गाउँपालिकाको केन्द्र मै गएर ५ लाख १६ हजार ५ सय बराबरको स्वास्थ्य सामाग्री हस्तान्तरण गरेको संस्थाका अध्यक्ष अधिराज वि.सीले जानकारी दिनु भएको छ ।
कोभिड १९ को दोस्रो लहरको माहामारीले विश्व मानव जगतलाई आक्रान्त बनाईरहेको बेला केहि रुपमा पालिकालाई सहज होस भनी सामाग्री बितरण गरेको अध्यक्ष वि.सीले बताए । बिसीका अनुसार स्वास्थ्य सामाग्रीमा मेडीसियन बेड, ईलेक्टोनिक वाटर, हिटर, १० सेट मेडीसीयन वेड, २० सेट पिपि सेट, ५ थान पल्स अक्सोमिटर, १ थान ईलिक्टिक वाटर हिटर लगाएत थर्मल गन, सर्जिकल मास्क, ग्लोव्स, हेण्ड सेनिटाईजर साबुन , ओडीलिन लगायतका स्वास्थ्य सामाग्री बितरण गरिएको बताइएको छ । स्वास्थ्य सामाग्रीहरु गाउँपालिका मार्फत रहेका संस्थागत आईसोलेशन सेन्टर र पालिका अन्तरगतका स्वास्थ्य संथा स्वास्थ्य ईकाई र प्राथमीकताका अधारमा अन्य वडाका स्वास्थ्यले समुदायका गरिव, दलित, विपन्न, महिलालाई प्राथमिकताको आधारमा वितरण गरीने भएको छ ।
सहयोग गरिएका स्वास्थ्य सामाग्रीहरु ग्रहण गर्दै गाउपालीकाका उपाध्यक्ष नीर्मला साउदले बिश्वब्यापी रुपमा रहेको कोरोना सँक्रमणको महामारिको समयमा प्राप्त भएका सामाग्रीले गाउँपालीकालाई ठुलो सहगोग पुगेको भन्दै संस्थालाई धन्यबाद ज्ञापन गर्नु भएको छ । साथै माहामारिको प्रकोप घटि नसकेकोले पालिकालाई आबश्यक परेको बेला अझै संस्थाले सहयोग गर्ने अपेक्षा राख्नु भएको थियो ।
संस्थाले जिल्लाको केआई सिंह गाउँपालिका र पूर्बीचौकी गाउँपालिकामा स्वास्थ्य सामाग्री बितरण भईसकेको छ भने, क्रमशः जिल्लाका कार्यक्रम लागु भएका अन्य स्थानिय तहहरु जोरायल गाउँपालिका, शिखर नगरपालिका र दिपायल सिलगढी नगरपालिकामा पनि बितरण गरिने जनाएको छ ।
