तेजु ओली/डोटी – वडा स्तरीय खानेपानी तथा सरसफाइ स्वच्छता समन्वय समितिका पदाधिकारी हरुलाई सरसफाई सम्बन्धि अभिमुखीकरण कार्यक्रम सम्पन्न भएको छ।
शौचालयको प्रयोग , नियमित हात धुने , ब्यक्तिगत सरसफाई, बाताबरणिय सरसफाइमा सबै वडा बासीले ध्यान दिनुपर्ने दिपायल सिलगढी नगरपालिका वडा नं ८ का वडा अध्यक्ष राम बहादुर खडका ले जोड दिनुभयो ।
आज दिपायल सिलगढी नगरपालिका वडा नं ८ को वडा कार्यालय मा सामुदायिक विकास मञ्च नेपाल र गुड नेवर्स इन्टरनेशनल नेपालको संयुक्त साझेदारी मा संचालित सामुदायिक विकास परियोजना को स्वास्थ्य तथा सरसफाई क्षेत्र अन्तरगत वडा स्तरिय खानेपानी तथा सरसफाई स्वच्छता समन्वय समितिका पदाधिकारी हरुलाई सरसफाई सम्बन्धि अभिमुखिकरण कार्यक्रममा उक्त कुरा बताउनुभएको हो।
कार्यक्रममा जनप्रतिनिधि,शिक्षक, अभिभावक, लडागडा स्वास्थ्य कार्यालय का प्रमुख ,वडा सचिव र समिती का अन्य सदस्यहरु लगायत को सहभागिता रहेको थियो।
