
प्रकाश थापा, डोेटी
एमसीसीको विरोधमा नेपाल कम्युनिस्ट पार्टी लगायत आठ दलिय मोर्चाले डोटीमा प्रदर्शन गरेका छन् । एमसीसी खारेज गर्नु पर्ने नारा लगाउँदै प्रदर्शन गरेका उनिहरुले जिल्ला प्रशासन कार्यालय डोटी घेरेका थिए ।

प्रदर्शन कार्यक्रमलाई सम्बोधन गर्दै नेपाल कम्युनिस्ट पार्टीका जिल्ला सेक्रेटरी निलम ओली“ध्रुव“ले एमसीसी पास गराएर संसदिय दलालहरुले देशलाई प्राधिन बनाउन खोजेको आरोप लगाउँदै सबै एकजुट भएर डटेर सामाना गर्नु पर्ने बताए ।
सो कार्यक्रममा नेपाल कम्युनिस्ट पार्टी (क्रान्तिकारी माओवादी) का जिल्ला सेक्रेटरी चन्द्र थापा, जनता समाजवादी पार्टी जिल्ला अध्यक्ष श्रीचन्द्र श्रेष्ठ, नेपाल कम्युनिस्ट पार्टीका जिल्ला सचिवालय सदस्य द्वय ममता सुर्खेती र मोहन कठायत, जिल्ला सदस्य शंकर साउँद, युवा संगठन नेपाल जिल्ला अध्यक्ष सुशिल मलासी, अखिल (क्रान्तिकारी) जिल्ला सचिव टेकेन्द्र बोगटी लगायतले सम्बोधन गरेका थिए ।
