लाल बहादुर चदारा
अछाम जिल्ला को मेल्लेख गाउँपालिका वडा न५ बिन्धेबासनि मा रहेको जनता नमुना मा बि को ३ तले १२ कोठे पक्की भवनको आज शिलान्यास गरिएको छ । शिलान्यास मेल्लेख गाउँपालिका अध्यक्ष लोक बहादुर बोहराले गर्नुभएको हो । बोहराले शिलान्यास पछि बोल्दै जनता मा बि मेल्लेख गाउँपालिका को उच्चतम विद्यालय रहेको ले अब विद्यालय ले शैक्षिक अभाव पूर्वदार विकास लगायतका समस्या झेलिरहनु नपर्ने बताएका छन् ।
जनता मा बि लाई नमुना विद्यालय को रूपमा विकास गर्न सबै पक्षले सहयोग गर्नुपर्ने बताएका छन् साथै नमुना विद्यालय व्यवस्थापन निर्देशिका अनुसार काम अगाडि बढाउन पनि ठेक्कादार लाई आग्रह गर्नु भएको छ । जनता मा बि नमुना विद्यालय को लागि छनोटमा परेको छ । विद्यालय, शिक्षा तथा मानव स्रोत विकास केन्द्र को सहयोगमा १ करोड ४५ लाख को लगानीमा भवन बन्ने भएको छ । सो विद्यालय को सि बि आर एण्ड बि एन जेबी कम्पनी ले निर्माण कार्य को जिम्मा लिएको छ ।
सिलान्यस कार्यक्रममा वडा न ५ का वडा अध्यक्ष रमेश खडका मेल्लेख शिक्षा शाखा प्रमुख वीरेन्द्र खड्का इन्जिनियर खडक धामी प्राविधिक शिव खड्का माओवादी नेता अर्जुन धामी वीर बहादुर साउद नेकपा एमाले का नेता चन्द्र साउद जनक खड्का नेपाली काँग्रेसका नेता पदम खड्का मोती सिंह साउद युवा नेता प्रकाश अधिकारी विद्यालय व्यवस्थापन समिति अध्यक्ष दीर्घ खड्का विद्यालय का प्रअ नृप बहादुर बिक सो विद्यालय व्यवस्थापन समिति सदस्य मीन रोकाय, लगायतको सहभागिता रहेको थियो ।
