डोटी : भालुको आक्रमणबाट डोटीको पुर्विचौकी गाउँपालिका–१ खिरसैनका ५० वर्षीय नरबहादुर खड्का घाइते भएका छन् । मङ्गलवार बिहान खड्कालाई घर नजिकै छोरेपानी भन्ने स्थानमा भालुले आक्रमण गरेको हो ।
जिल्ला प्रहरी कार्यालय डोटीका सूचना अधिकारी, प्रहरी नायव उपरीक्षक भोला कुमार भट्टका अनुसार जङ्गली भालुको आक्रमणबाट घाइते खड्काको मुख र टाउकोमा घाउ भएका छन् । टाउको, नाक र कानमा गहिरो चोट लागेको छ ।
जिल्ला अस्पताल डोटीमा उनको उपचार हुन नसकेपछि थप उपचारका लागि धनगढी रेफर गरिएको छ ।
