प्रधानमन्त्री प्रचण्डलाई २६८ सांसदले दिए विश्वासको मत 

काठमाडौं : प्रधानमन्त्री पुष्पकमल दाहाल प्रचण्डले सांसदबाट विश्वासको मत प्राप्त गर्नुभएको छ । मङ्गलवार भएको मतदानबाट प्रधानमन्त्री प्रचण्डले २ सय ६८ मत प्राप्त गर्नुभयो । बैठकमा २७० सांसद उपस्थित रहेका थिए । प्रधानमन्त्री प्रचण्डले सांसदबाट बहुमतका साथ विश्वासको मत प्राप्त गरेको प्रतिनिधिसभामा ज्येष्ठ सदस्यको हैसियतमा सभामुखको भूमिका निर्वाह गरिरहनुभएका पशुपति शमशेर जबराले घोषणा गर्नुभयो ।

प्रधानमन्त्रीलाई सत्ता गठबन्धनका सबै दल सहित काँग्रेस, जसपा, लोसपा लगायतले विश्वासको मत दिएका छन् । प्रधानमन्त्रीले राख्नुभएको प्रस्तावको विपक्षमा भने दुई मत परेको थियो । मजदुर किसान पार्टीका सांसद प्रेम सुवाल र जनमोर्चाका चित्रबहादुर केसीले भने उहाँलाई मत दिनुभएन ।

प्रधानमन्त्री प्रचण्डले संविधानको धारा ७६ को उपधारा ४ बमोजिम विश्वासको मत माग्नुभएको थियो । यस्तै सभामुखको निर्वाचन माघ ५ गते हुने भएको छ ।