ट्याक्टर दुर्घटना हुँदा अछाममा एक जनाको मृत्यु

By मुलुक न्युज On बैशाख १६, २०८० 305

ट्याक्टर दुर्घटना हुँदा अछाममा एक जनाको मृत्यु भएको छ।जिल्लाको मेल्लेख गाउँपालिका–६ सोडसाबाट नुवाघरतर्फ जाँदै गरेको सुदूरपश्चिम प्रदेश ०१००२ त २९९३ नम्बरको ट्याक्टर दुर्घटना हुँदा ३३ वर्षीय ध्रुव कुँवरको मृत्यु भएको हो।

ट्याक्टर अनियन्त्रित भएर दुर्घटना हुँदा मेल्लेख गाउँपालिका–१ का कुँवरको मृत्यु भएको प्रहरीले जनाएको छ। दुर्घटनामा गम्भीर घाइते भएका उनको उपचारका क्रममा मृत्यु भएको हो। ट्याक्टर चालकलाई प्रहरीले नियन्त्रणमा लिएको छ।