डोटी : डोटीको बोगटान फुड्सिल गाउँपालिकामा दुई दिने निःशुल्क आँखा शिविर सुरु भएको छ । दुई दिन सञ्चालन हुने निःशुल्क आँखा शिविर आइतबारबाट सुरु भएको हो । गेटा आँखा अस्पताल कैलालीको सहयोग र बोगटान फुड्सिल गाउँपालिकाको आयोजनामा शिविर खत्याडी माद्यामिक विद्यालयमा सुरु भएको चवरा चौतारा स्वास्थ्य चौकी प्रमुख प्रकाश विकले बताए ।
गेटा आँखा अस्पताल कैलालीका नेत्र अधिकृत देवराज पनेरुका अनुसार शिविरको पहिलो दिन तीन सय ३५ जनाको आँखा जाँच, ४८ जनाको मोतीबिन्दुको शल्यक्रिया तथा ७३ जनालाई चस्मा वितरण गरिएको छ । शिविर भोलि (सोमबार) समापन हुने छ ।
