जेठ २५, काठमाडौँ । नेपाली बजारमा सुनको मूल्यले प्रतिदिन नयाँ रेकर्ड बनाइरहेको छ । बिहीबार अहिलेसम्मकै उच्च बनेको सुनको मूल्य शुक्रवार एक हजारले वृद्धि हुँदै नयाँ रेकर्ड कायम भएको हो ।
बिहिवार प्रतितोला १ लाख ४४ हजार रुपैयाँमा कारोबार भएको सुनको मूल्य शुक्रवार एक लाख ४५ हजार रुपैयाँ कायम भएको छ । बुधवार एक लाख ४२ हजार दुई सय रुपैयाँमा कारोबार भएको थियो ।
यस्तै तेजाबी सुन बिहीबार प्रतितोला एक लाख ४३ हजार तीन सय रुपैयाँमा कारोबार भएकोमा आज एक लाख ४४ हजार तीन सय रुपैयाँमा कारोबार भइरहेको नेपाल सुन चाँदी व्यवसायी महासङ्घले जनाएको छ ।
आज चाँदीको मूल्य पनि ५० रुपैयाँ वृद्धि भएको छ । बिहीबार प्रतितोला एक हजार आठ सय ५० रुपैयाँमा कारोबार भएको चाँदी आज एक हजार नौ सय रुपैयाँमा कारोबार भइरहेको छ ।
अन्तर्राष्ट्रिय बजारमा हुने कारोबारका आधारमा नेपालमा सुनचाँदीको मूल्य निर्धारण गर्ने गरिएको छ। अन्तर्राष्ट्रिय बजारमा आज सुन प्रतिऔंस सुन २ हजार ३८५ दशमलव ९१ डलरमा कारोबार भइरहेको छ भने प्रतिऔंस चाँदी ३१ डलर ५१ पैसामा कारोबार भइरहेको छ।
