असार २४, डोटी । नेपाल औषधी व्यवसायी सङ्घ डोटीले क्षेत्रीय स्वास्थ्य निर्देशनालयका निर्देशक डाक्टर खगेन्द्र बमलाई स्वागत गरेको छ । सोमबार औषधी व्यवसायीहरूको उपस्थितिमा निर्देशक बमलाई डोटीमा स्वागत तथा परिचयात्मक कार्यक्रम गरिएको हो ।
स्वागतका क्रममा नेपाल औषधी व्यवसायी सङ्घ डोटीका कोषाध्यक्ष आइजंग कुवरले क्षेत्रीय स्वास्थ्य निर्देशनालयका हरेका कार्यक्रम सम्पर्क कार्यालय धनगढीबाट नभई राजपुरबाटै हुनुपर्ने बताए । साथै उनले निर्देशनालयका कार्यक्रममा औषधी व्यवसायी सङ्घलाई पनि सहभागी गराउन निर्देशकलाई आग्रह गरे ।
स्वागत कार्यक्रममा निर्देशक बमले आफू निर्देशनालयको निर्देशकमा नियुक्त भए देखी निर्देशनालयका कार्यक्रम राजपुरबाटै गरिरहेको बताए । बमले आगामी दिनमा पनि यहिबाट कार्यक्रम सञ्चालन हुने भन्दै अन्य सरकारी तथा गैरसरकारी सङ्घसंस्थालाई पनि डोटीबाट कार्यक्रम सञ्चालन गर्न आग्रह गर्ने बताए । नेपाल औषधी व्यवसायी सङ्घ डोटीका अध्यक्ष लाल बहादुर खड्काको अध्यक्षतामा सञ्चालन भएको स्वागत कार्यक्रमको प्रमुख अतिथि निर्देशक बम र भने विशिष्ट अतिथि अर्जुन बलायर रहेको थिए ।
