साउन २२, काठमाडौँ । नेपाली महिला भलिबल टोलीले सेन्ट्रल एसियन भलिबल एसोसिएसन (काभा) महिला नेशन्स लिगको सेमिफाइनलमा इरानसँग प्रतिस्पर्धा गर्दै छ । फाइनलमा पुग्नका लागि हुने यो प्रतिस्पर्धा मङ्गलवार (आज) साँझ साँझ ५ः१५ बजे हुने छ ।
नेपाललाई आज इरानसँग बदला लिने राम्रो अवसर छ । यसअघि लिग चरणको प्रतिस्पर्धात्मक खेलमा नेपाल इरानसँग ३–२ को सेटमा पराजित भएको थियो । आजै पहिलो सेमिफाइनल खेलमा भारत र श्रीलङ्काबिच प्रतिस्पर्धा हुँदै छ ।
भारत लिग चरणको विजेता, नेपाल उपविजेता, इरान तेस्रो र श्रीलङ्का चौथो बन्दै सेमिफाइनलमा पुगेको हो । पाँच टोली सहभागी यस प्रतियोगितामा माल्दिभ्स लिग चरणको सबै खेलमा हार खेप्दै बाहिरिएको थियो ।
