भदौ १७, धनगढी । कैलालीमा करेन्ट लागेर एक मजदुरको मृत्यु भएको छ । काम गर्ने क्रममा करेन्ट लाग्दा कैलारी गाउँपालिका–६ का ३२ वर्षीय चन्द्रे चौधरीको मृत्यु भएको प्रहरीले जनाएको छ ।
जिल्ला प्रहरी कार्यालयका अनुसार चौधरीलाई धनगढी उपमहानगरपालिका–५ तारानगरमा गोपीकृष्ण जोशीको घर निर्माणको क्रममा करेन्ट लागेको हो ।
भाइब्रेसन मेसिन चलाउने क्रममा करेन्ट लागेर घाइते चौधरीलाई उपचारका लागि सेती प्रादेशिक अस्पताल लग्दा चिकित्सकले मृत घोषणा गरेको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक कवीन्द्र बोहराले जानकारी दिए।
