बैतडीमा कुटपिटबाट घाइते भएका पञ्चेश्वर गाउँपालिका–३ डुङरीका ३२ वर्षीय कमलबहादुर साउँदको मृत्यु भएको छ । कुटपिटबाट घाइते भएका साउँदलाई थप उपचारका लागी कोहलपुर लैजाने क्रममा सोमबार राति बाटोमा मृत्यु भएको हो । उनको धनगढीमा उपचार सम्भव नभएपछि थप उपचारका लागि कोहलपुर पठाइएको थियो ।
कुटपिटमा संलग्न स्थानीय वीरेन्द्र चन्द र ज्ञानेन्द्र चन्दलाई पक्राउ गरी अनुसन्धान शुरु गरिएको बैतडीका प्रहरी प्रमुख प्रहरी नायव उपरीक्षक नारायणप्रसाद अधिकारीले बताए । उहिरुले साउँदलाई असोज ९ गते राति कुटपिट थिए ।
पक्राउ परेकामध्ये वीरेन्द्र नेपाल प्रहरीमा रहेका र भष्टाचारको मुद्दा लागेका व्यक्ति रहेको प्रहरीले बताएको छ । तीन वर्ष पहिले भष्टाचारको मुद्दा लागेको उनीमाथि अहिले पनि मुद्दा चलिरहेको बताइएको छ ।
कुटपिट के कति कारण भयो भन्ने खुल्न नसकेको प्रहरी नायव उपरीक्षक अधिकारीले बताए ।
