सिता महता
कात्तिक १८, डोटी
डोटीमा सात जना नयाँ कोरोना संक्रमित थपिएका छन । मंगलबार जिल्ला अस्पताल डोटीको प्रयोगशालामा गरिएको परिक्षणमा डोटीका थप सात जनामा कोरोना संक्रमण पुष्टि भएको स्वास्थ्य कार्यालय डोटीले जानकारी दिएको छ । यो संगै डोटी जिल्लामा कोरोना संक्रमितको संख्या एक हजार दुई सय ९१ पुगेको छ । स्वास्थ्य कार्यालय डोटीका अनुसार आज जिल्लाको दिपायल सिलगढी नगरपालिका वडा नं. ४ का ५२ बर्षका एक जना पुरुष, केआई सिंह गाउँपालिका वडा नं. ३ का ३५ बर्षका एक जना पुरुष, वडा नं. ४ का २४, ३०, ३४ बर्षका तीन जना पुरुष र वडा नं. ५ का २३, ३६ बर्षका दुई जना पुरुषमा कोरोना देखिएको हो । मंगलबार ६१ जनाको नमुना परिक्षण भएकोमा सात जनामा कोरोना संक्रमण पुष्टि भएको प्रयोगशालाले जनाएको छ । यो संगै जिल्लामा जम्मा संक्रमित हुनेको संख्या १२९१ पुगेको स्वास्थ्य कार्यालय डोटीले जानकारी दिएको छ ।
