आदर्श गाउँपालिकाका ८७ जना स्वयमसेबिकालाई दराज हस्तान्तरण गरिएको छ । स्वयमसेविका दिवसको अवसरमा आदर्श गाउँपालिका भित्र रहेका महिला स्वास्थ्य स्वयमसेबिकाले स्वास्थ्य क्षेत्रमा महत्वपुर्ण योगदान गरेकोमा सम्मान गर्दै दराज हस्तान्तरण गरिएको आदर्श गाउँपालिकाका स्वास्थ्य इकाइ प्रमुख बमबहादुर खड्काले बताएका छन ।
आदर्श गाउँपालिका सबै स्वास्थ्य चौकी तथा सामुदायिक स्वास्थ्य इकाई मातहतमा रहेर सेवाभाबका साथ काम गर्ने स्वयमसेबिकालाई दराज प्रदान गरिएको हो ।
१७ औँ राष्ट्रिय महिला सामुदायिक स्वास्थ्य स्वयमसेबिका दिवसको अबसर पारेर सम्मान गरिएको हो ।
आफूले गरेको मेहनतको गाउँपालिकाले सम्मान गरेको भन्दै महिला स्वयमसेबिकाले पालिकालाई धन्यवाद समेत व्यक्त गरेका छन् ।
