आईतवार देशभर थप एक हजार ९६ जनामा कोरोना संक्रमण पुष्टि भएको छ । पछिल्लो २४ घण्टामा देशभरीका विभिन्न कोभिड-१९ प्रयोगशालामा ६ हजार ५ सय ९५ नमुनाहरुको परिक्षण गरिएकोमा एक हजार ९६ जनामा कोरोना देखिएको स्वास्थ्य तथा जनसंख्या मन्त्रालयले जनाएको छ । यो संगै नेपालमा जम्मा कोरोना संक्रमित हुनेको संख्या २ लाख ४० हजार ९ सय ८१ पुगेको छ ।
हाल नेपालमा सक्रिय संक्रमितको संख्या १३ हजार ५ सय २२ रहेको छ ।
आज देशभरका एक हजार ७ सय ५२ जनाले कोरोना जितेका छन् । यो संगै कोरोना मुक्त हुनेहरूकोे कुल संख्या २ लाख २५ हजार ८ सय ५ पुगेको छ ।
त्यस्तै पछिल्लो २४ घण्टामा थप १७ जना कोरोना संक्रमितको मृत्यु भएको छ । थप १७ जना कोरोना संक्रमितको मृत्यु भएसंगै नेपालमा कोरोना संक्रमणबाट मृत्यु हुनेको संख्या एक हजार ५ सय ९४ पुगेको छ ।
