डोटी : जिल्लामा शान्ति सुरक्षा कायमगरि हाम्रो डोटी राम्रो डोटी बनाउने उदेश्य रहेको जिल्ला प्रहरी कार्यालय डोटीका प्रहरी उपरीक्षक दानबहादुर मल्लले बताए ।
डोटीको नयाँ प्रहरी प्रमुखको रूपमा आएका मल्लले पत्रकार भेटघाटका क्रममा उक्त कुरा बताएका हुन । अपराध न्यूनिकरण गरेर शान्तिपूर्ण जिल्ला बनाउनेगरि प्रहरीले काम गर्ने प्रहरी उपरीक्षक मल्लले बताए ।
डोटी जिल्लामा आत्महत्या, बाल बिवाह, बहु बिवाह, जातिय छुवाछूत जस्ता घटनाहरू रहेको प्रहरी उपरीक्षक मल्लले बताए ।
समाजमा शान्ति स्थापनाका लागि प्रहरी र पत्रकार एकसाथ हिन्न आबश्यक रहेको हुँदा प्रगाढ सम्बन्ध हुन आबश्यक रहेको मल्लले बताउनु भएको छ ।
डोटी जिल्लाका प्रहरी प्रमुख जनकराज पाण्डे एससएपीमा बढुवा भएपछि त्रिभुवन अन्तर्राष्ट्रिय बिमानस्थलमा कार्यरत प्रहरी उपरीक्षक दानबहादुर मल्ल डोटीको प्रहरी प्रमुखको जिम्मेवारी सम्हाल्नेगरि डोटी आउनु भएको हो ।
प्रहरीबाट प्रवाह हुने सूचना सहजरूपमा सूचना प्राप्त हुने ब्यवस्था गर्न प्रहरी प्रमुख मल्ललाई भेटघाटमा उपस्थित सञ्चारकर्मीले आग्रह गरेका थिए ।
