डोटी : प्रजातन्त्र दिवसको अवसर पारेर नेकपा ओली समुह निकट अखिल नेपाल राष्ट्रिय स्वतन्त्र विद्यार्थी युनियन डोटीले रक्तदान कार्यक्रम गरेको छ । नेपाल रेडक्रसको रक्तसञ्चार केन्द्रमा आयोजित कार्यक्रबाट ३ पिन्ट रगत संकलन भएको अनेरास्ववियु डोटीका उपाध्यक्ष कमल बमले जानकारी दिनु भएको छ ।
अनेरास्ववियु सचिवालय सदस्य हेम बहादुर साउद, हर्क कोलि र कृष्ण बोगटीले एकएक पिन्ट रक्तदान गरेको अनेरास्ववियु डोटीका अध्यक्ष धन कुमालले जानकारी दिनु भयो । प्रजातन्त्र दिवसको अवसमा आफुहरुले रगत दान गर्न पाउँदा गर्वाम्वित भएको रक्तदाताहरुले बताएका छन् ।
कार्यक्रममा अनेरास्ववियु केन्द्रिय सदस्य बम बहादुर बम, डिल ऐर, अनेरास्ववियुका डोटी जिल्ला अध्यक्ष धन बहादुर कुमाल, उपाध्यक्ष कमल बम, सचिव निर्मला अवस्थी लगाएतको उपस्तिथि रहेकोे थियोे ।
