डोटी : एक स्थानियको घरबाट प्रहरीले भरुवा बन्दुक बरामद गरेको छ । आईतवार प्रहरी चौकी वायलबाट प्रहरी सहायक निरिक्षक भाष्कर दत्त पन्तको कमाण्डमा खटिएको प्रहरी टोलिले जिल्लाको के.आई.सि.गाउँपालिका वडा नम्बर १ गणेशकाँडाका ३७ वर्षिय स्थानीय डिल बहादुर भन्ने दिपेन्द्र शाहीको घरबाट एक थान भरुवा बन्दुक बरामद गरेको जिल्ला प्रहरी कार्यालय डोटीले जानकारी दिएको छ । शाहीले घरमा बन्दुक लुकाई छिपाई राखिएको भन्ने खोप्य सुचना पाएपछि निजको घरमा खान तलासि गर्दा उक्त बन्दुक बरामद भएको प्रहरीले बताएको छ । शाहीलाई नियन्त्रणमा लिएर अबैध हातहतियार सम्बन्धि मुद्धा दर्ता गरि थप अनुसन्धान भैरहेको जिल्ला प्रहरी कार्यालय डोटीले बताएको छ ।
