डोटी : डोटीमा लागु औषध चरेश सहित एक जना पक्राउ परेका छन् । पक्राउ पर्नेमा जिल्लाको जोरायल गाउँपालिका वडा नम्बर १ घोरडीका ६९ वर्षीय सशीराम डाँगी रहेको जिल्ला प्रहरी कार्यालय डोटीले जानकारी दिएको छ । उनलाई जिल्ला प्रहरी कार्यालय डोटीबाट प्रहरी निरीक्षक कान्ति राज जोशीको कमाण्डमा खटिएको प्रहरी टोलीले आईतवार साँझ ६५ ग्राम लागु औषध चरेश सहित पक्राउ गरेको हो । डाँगीलाई पक्राउ गरी आवश्यक अनुसन्धान भईरहेको प्रहरीले बताएको छ ।
