डबल बम /डोटी
नेकपा माओबादी केन्द्र डोटीले जिल्ला कार्यालय स्थापना गरेको छ । नेकपा माओवादी केन्द्रको सुदुर पश्चिम प्रदेश कमिटि सदस्य केबी साउँद, कमल बहादुर गड्सिला र भरत बोहराले संयुक्त रुपमा ब्यानर पढेर विधिवत रुपमा बुधवार दिपायल सिलगढी नगरपालिका वडा नं ६ मा जिल्ला पार्टी कार्यलयको स्थापना गरेको हो।
बिगतमा भएका कमि कमजोरिलाई औल्यार अब नयाँ तरिकाले अघि बढ्ने वोगटान फुडसील गाउँ पालिका अध्यक्ष तथा सुदुरपश्चिम कमिटी सदस्य कमल गडसिलाले बताउनुभयो ।
सर्बाेच्च अदालतले फाल्गुन २३ गते एमाले र माओबादी केन्द्र एकीकरण भएको नेकपालाई मान्यता नदिएर पुर्वबत अवस्थामा ब्युतायपछी डोटीमा पनि नेकपा माओबादी केन्द्रले पार्टी कार्यलय स्थापना गरेको हो । देशभर कार्यलय स्थापना गर्ने क्रम जारि रहेको छ। नेताहरु ले बोल्दै पाटीको बिधि बिधान अनुरुप सदस्यता थप्दैजाने संगठन बलियो बनाउनका लागि लाग्ने नेताहरुले बताएका थिए। औपचारिक रुपमा कार्यक्रम को आयोजना गरी पाटी कार्यालय स्थापना गरेको अखिल क्रान्तिकारीका नेता गणेश बमले जानकारी दिनु भयो।
