काठमाण्डौ २२ साउन
स्वास्थ्य मन्त्रालयले सरकारी, सामुदायिक तथा निजी कार्यालयहरुमा बैठक नगर्न आग्रह गरेको छ । स्वास्थ्य तथा जनसंख्या मन्त्रायलयले कोरोना संक्रमणको जोखिम बढेको भन्दै कार्यालयमा बैठक, सेमिनार र अन्य जमघट नगर्न आग्रह गरेको हो । यदि यस्ता बैठक बन्द गर्न नमिल्ने भए भर्चुअल माध्यमबाट गर्न प्रवक्ता डा.जागेश्वर गौतमले आग्रह गरेका छन् ।
मन्त्रालयले भारतीय सीमा क्षेत्रका जिल्लामा सावधानी अपनाउन प्रदेश सरकार, स्थानीय तह, गैरसरकारी संस्था, शिक्षक, विद्यार्थी, अन्य पेशा व्यवसायका मानिसहरुलाई आग्रह गरेको छ ।
मन्त्रालयले स्वाब परीक्षणका लागि दिएकाहरुलाई अनिवार्य क्वारेन्टिनमा बस्न पनि आग्रह गरेको छ ।
