डोटी : बिहिवार डोटीका थप ३२ जनामा कोरोना संक्रमण पुष्टि भएको छ । पछिल्लो २४ घण्टामा ५२ जनाको आरटिपिसिआर परिक्षण गर्दा १० महिला र २२ पुरुष गरी ३२ जनामा कोरोना पुष्टि भएको स्वास्थ्य कार्यालय डोटीले जनाएको छ ।
आज कोरोना देखिनेमा आदर्श गाउँपालिकाका ७ जना महिला र १६ पुरुष गरि २३ जना, दिपायल सिलगढी नगरपालिकाका एक महिला र ३ पुरुष गरि ४ जना, केआई सिंह गाउँपालिकाका २ जना पुरुष र २ महिला गरि ४ जना र सायल गाउँपालिकाका एक जना पुरुष रहेका छन् ।
यो संगै जिल्लामा हालसम्म कोरोना संक्रमितको संख्या दुई हजार पाँच सय ९३ पुगेको स्वास्थ्य कार्यालय डोटीका निमित्त कार्यालय प्रमुख उद्धव वहादुर ठगुन्नाले जानकारी दिनु भयो । नयाँ भेरियन्ट सहितको कोरोना संक्रमण फैलिए देखि डोटीका एक हजार एक सय ७२ जनामा कोरोना पुष्टि भएको छ । अहिले २ सय ९७ जना सक्रिय संक्रमित रहेको स्वास्थ्य कार्यालय डोटीले जानकारी दिएको छ ।
त्यस्तै आज विभिन्न पालिकाका ३३ जनाले कोरोना जितेका छन् ।
