डोटी : बिहिवार डोटीका थप ६ जनामा कोरोना संक्रमण पुष्टि भएको छ । पछिल्लो २४ घण्टामा ११ आरटिपिसिआर परिक्षण गर्दा ४ जना र १० जनाको एन्टिजेन विधिबाट परिक्षण गर्दा २ जनामा कोरोना पुष्टि भएको स्वास्थ्य कार्यालय डोटीले जनाएको छ । यो संगै जिल्लामा हालसम्म कोरोना संक्रमितको संख्या दुई हजार ८ सय २२ पुगेको स्वास्थ्य कार्यालय डोटीका निमित्त कार्यालय प्रमुख उद्धव वहादुर ठगुन्नाले जानकारी दिनुभयो ।
आज दिपायल सिलगढी नगरपालिकाका दुई जना महिला तथा तिन जना पुरुष गरि पाँच जना र सायल गाउँपालिकाका एक जना महिलामा कोरोना देखिएको हो । नयाँ भेरियन्ट सहितको कोरोना संक्रमण फैलिए देखि डोटीका एक हजार ४ सय एक जनामा कोरोना पुष्टि भएको स्वास्थ्य कार्यालय डोटीले जानकारी दिएको छ । अहिले जिल्लामा एक सय १६ जना सक्रिय संक्रमित रहेका छन् ।
