नेपाल कम्युनिष्ट पार्टी (माओवादी) केन्द्र डोटीले जिल्ला अस्पताल डोटीलाई स्वास्थ्य सामाग्री हस्तान्तरण गरेको छ । नेपाल कम्युनिष्ट पार्टी (माओवादी) केन्द्रको केन्द्रीय कार्यालयबाट पठाएको स्वास्थ्य सामाग्रीलाई माओवादी केन्द्रका प्रदेश कमिटि सदस्य छवी ओलीले जिल्ला अस्पताल डोटीका मेसु कृष्ण जोशीलाई हस्तान्तरण गर्नु भएको हो ।
माओवादी केन्द्र डोटीले पिपिई सेट १० थान, एन्टिजिन किट २ प्याकेट, थर्मल गन १ प्याकेट, अक्सोमिटर १४ थान, के नाईन्टी फाईभ मास्क, १४ प्याकेट, पिपिई गावन ५ थान, सर्जिकल मास्क ३ प्याकेट, सेनिटाईजर २ पिस, ग्लोब्स १ प्याकेट हस्तान्तरण गरिएको माओवादी केन्द्रका प्रदेश कमिटि सदस्य छवी ओलीले जानकारी दिनु भएको छ ।
कोभिड–१९को रोकथाम तथा नियन्त्रणका लागी स्वास्थ्य क्षेत्रलाई सहयोग गर्ने उदेश्यका साथ सहयोग गरिएको माओवादी केन्द्र डोटीले जानकारी दिएको छ ।
