मुलुक समाचार, डोटी
निजामती सेवामा रहेर उदाहरणीय बनेका छन् जोशी दम्पती । श्रीमान् सिद्ध राज जोशी दार्चुलाका प्रमुख जिल्ला अधिकारी छन् भने श्रीमती किरण जोशी डोटीको सहायक प्रमुख जिल्ला अधिकारी हुन् ।
जोशी दम्पती कैलालीको गोदावरी–६ निवासी हुन । १६ वर्षसम्म खरिदार र सुब्बा पदमा काम गरेकी किरणले ०७७ माघ १४ गते उप–सचिवमा खुला तर्फबाट नाम निकालेकी हुन । किरणलाई गृह मन्त्रालयको गत २८ माघको निर्णय अनुसार डोटी जिल्लामा पदस्थापन गरेपछि उनी सुदूरपश्चिम जिल्लाकै सहायक सिडिओ बन्ने पहिलो महिला हुन् ।
नेपाल सरकारको गृह मन्त्रालय अन्तर्गत एक उपसचिव जोडी भने प्रमुख जिल्ला अधिकारी र सहायक प्रजिअको जिम्मेवारी पाउने बिरलै जोडी मध्यका जोशी दम्पती हुन ।
हाल सिद्ध राज दार्चुलाको प्रमुख जिल्ला अधिकारीको जिम्मेवारीमा छन् भने किरण निमित्त प्रमुख जिल्ला अधिकारीको रूपमा डोटीको सहायक प्रमुख जिल्ला अधिकारीको जिम्मेवारीमा कार्यरत छन् ।
