नेकपा एमाले परित्याग गरेर माधव नेपाल नेतृत्वको नेकपा ‘एकीकृत समाजवादी’ पार्टीको पक्षमा सुदूरपश्चिम प्रदेश सभाका १४ जना प्रदेश सभा सदस्यले निर्वाचन आयोगको प्रदेश कार्यालयमा सनाखत गर्ने तयारी गरेका छन् । एक नेताका अनुसार आजै १४ जनाले खनाखत गर्ने तयारी छ । केही सांसदसंग छलफल जारी रहेकोले संख्या बढ्न सक्ने बताईएको छ ।
सुदूरपश्चिमका प्रदेशसभा सदस्य आजै सनाखत गर्ने तयारीमा जुटेका छन् । आज बेलुका ५ बजेसम्म प्रदेश निर्वाचन कार्यालयमा पुगेर सनाखत गर्ने तयारीमा प्रदेश सांसद जुटेका हुन् ।
नेकपा एकीकृत समाजवादीकी केन्द्रीय सदस्यसमेत रहेकी आन्तरिक मामिला तथा कानुनमन्त्री पूर्णा जोशीले आजै सनाखत गर्ने तयारी भइरहेको बताइन् । ‘निर्वाचन आयोगले २२ गतेसम्मको समय दिएको थियो ।
सुदूरपश्चिम प्रदेशसभामा सभामुखसहित एमालेका २५ सांसद छन् । विगतमा उनीहरुमध्ये माधव समूहमा १८ र ओली समूहमा ७ जना थिए । नयाँ पार्टी दर्ता भएपछि अंकगणित फेरवदल हुने सम्भावना छ ।
नेकपा ‘एकीकृत समाजवादी’ पार्टीमा जान इच्छुक नेकपा एमालेका प्रदेशसभा सदस्य, स्थानीय तहका जनप्रतिनिधि र जिल्ला समन्वय समितिका सदस्यहरुका लागि २२ गतेसम्मको समयसीमा तोकिएको थियो ।
।
