डोटीको सायल गाउँपालिका वडा नं. ६ खातिवडाका अलैतवडामा पहिरोमा पुरिएर दुई जनाको मृत्यु भएको छ । घरमा सुतिरहेको अवस्थामा घर माथीबाट आएको पहिरोमा परि दिलबहादुर कुन्जेडाका १४ बर्षिय छोरा सागर कुन्जेडा र ११ बर्षिय छोरा आशिस कुन्जेडाको मृत्यु भएको डोटीका प्रमुख जिल्ला अधिकारी शंकर बिष्टले जानकारी दिनु भएको छ । सोही पहिरोमा परी घरमुली दिलबहादुर कुन्जेडा उनकी श्रीमती बासु कुन्जेडा र छोरी बिन्दा कुन्जेडा घाइते भएका छन् ।
तिनदिन देखी जारी रहेको बर्षाका कारण टेलीकमको टेलिफोन, बिद्युत, ईन्टरनेट पुर्ण रुपमा अबरुद्ध रहेका छन् । सञ्चार सेवा अबरुद्ध भएसंगै सुचना प्रवाह तथा सम्प्रेसणमा समस्या भएको प्रमुख जिल्ला अधिकारी बिष्टले बताए ।
