सुवास नेपाली, डोटी
३०१ औँ पृथ्वी जयन्ती तथा राष्ट्रिय एकता दिवसको अवसरमा सञ्चालन भइरहेको फुटबल तथा भलिबल प्रतियोगिताका फाइनल खेल भोलि हुने भएका छन् । श्री भैरव प्रसाद गण र जिल्ला स्तरीय वाल सञ्जाल डोटीको संयुक्त आयोजनामा सञ्चालन भइरहेको फुटबल प्रतियोगितामा पदम पब्लिक मुक्ति नारायण माद्यामिक विद्यालय र सुजंग बोर्डिङ स्कुल बिच फाइनल खेल हुने भएको छ ।
कबड्डी प्रतियोगितामा पदम पब्लिक मुक्ति नारायण माद्यामिक विद्यालय र पवित्र बोर्डिङ स्कुल बिच हुने आयोजकले जनाएको छ । ९ गते सञ्चालन गरिएको चित्रकला प्रतियोगिताको नतिजा आयोजकले सार्वजनिक गरेको छ। १० वटा विद्यालय सहभागी प्रतियोगितामा तेडि माद्यामिक विद्यालयको कक्षा ७ मा अध्ययनरत आसिक साउद प्रथम भएका छन् । पदम पब्लिक मुक्ति नारायण माद्यामिक विद्यालयको कक्षा ८ मा अध्ययनरत डायमन्ड ओली दोस्रो भएका छन् ।
