फागुन १३, डोटी ।
नेकपा (एमाले) डोटीको चैत्र २ र ३ गते हुने नवौँ जिल्ला अधिवेशनको लोगो सार्वजनिक गरिएको छ । आइतबार सिलगढी स्थित पार्टी कार्यालयमा जिल्ला अध्यक्ष तथा सुदूरपश्चिम प्रदेश सभा सदस्य चक्र मल्ल लगायत पार्टी पदाधिकारीको उपस्थितिमा लोगो सार्वजनिक गरिएको हो । अधिवेशनको लागि जिल्ला अधिवेशन प्रचारप्रसार उपसमिति संयोजक झलक पालिले तयार गरेका हुन् ।
लोगोमा सूर्य भित्र, नेपाल र पार्टीको झण्डा, पार्टीको चुनाव चिन्ह, सुदूरपश्चिम प्रदेशकै प्रसिद्ध शैलेश्वरी मन्दिर, भू स्वर्गको उपमा पाएको खप्तड क्षेत्र, डोटी जिल्लाको नक्सा लगायतका समेटिएका छन् । अधिवेशनका सबै जसो कामहरूमा लोगो आवश्यक पर्ने भएकोले लोगो निर्माणपछि सम्पूर्ण कामहरू तीव्र गतिमा अगाडि बढ्ने जिल्ला अधिवेशन प्रचारप्रसार उपसमिति संयोजक पालिले बताए । जिल्ला अधिवेशनको मिति नजिकिएसँगै एमाले पार्टी डोटीमा सरगर्मी बढेको छ ।
